IMF: Azərbaycan qeyri-effektiv xərclərini azaldacaq

Bakı. 5 may. REPORT.AZ/ Azərbaycan hökuməti 2018-ci ildə məhsuldar olmayan dövlət investisiyalarını ixtisara salacaq. 

"Report" Beynəlxalq Valyuta Fonduna (IMF) istinadən xəbər verir ki, dövlət xərclərinin azaldılması sayəsində qeyri-neft fiskal kəsir ÜDM-in 13,5%-nə qədər azaldılması planlaşdırılır.

Azərbaycan Mərkəzi Bankının (AMB) borc öhdəliklərini yerinə yetirmək üçün Dövlət Neft Fondundan (ARDNF) əlavə transferi nəticəsində isə 2017-ci ildə qeyri-neft fiskal kəsiri ÜDM-in 20,6%-nə çata bilər.