Gələn həftə sığorta vasitəçiliyi üzrə fəaliyyətə lisenziya alınması üçün attestasiya keçiriləcək

Bakı. 9 mart. REPORT.AZ/ Maliyyə Bazarlarına Nəzarət Palatasında 13 martdan etibarən 19 aprelədək sığorta vasitəçiliyi üzrə fəaliyyətə lisenziyanın alınması üçün attestasiya keçiriləcək.

"Report" bu barədə Palataya istinadən xəbər verir.

“Sığortaçıların rəhbər işçisi vəzifələrinə namizədlər və müvafiq sığorta vasitəçiliyi üzrə fəaliyyətə lisenziya, həmçinin aktuari fəaliyyətinə aktuari şəhadətnaməsi almaq istəyən fiziki şəxslər üçün attestasiyanın təşkili və keçirilməsi” Qaydalarının 4.1-ci bəndi ilə tanzimlənən attestasiyada 173 nəfər iştirak edəcək.