Yuxarı
    Bağlamaq

    İslamiada ilə əlaqədar Azərbaycan bankları gücləndirilmiş rejimdə işləyir

    24 bankın 40-dan çox filial və şöbəsi axşam saatlarınadək fəaliyyət göstərir

    Bakı. 13 may. REPORT.AZ/ Bakıda keçirilən IV İslam Həmrəyliyi Oyunları ilə əlaqədar olaraq Maliyyə Bazarlarına Nəzarət Palatasının (MBNP) tövsiyəsii lə mayın 12-dən etibarən 24 bankın 40-dan çox filial və şöbəsi gücləndirilmiş iş rejimində fəaliyyət göstərir. Bu barədə "Report"a MBNP-dən bildirilib.

    Məlumata görə, yarışlar dövründə ölkə vətəndaşları və turistlərin valyuta mübadiləsi xidmətlərindən rahat və fasiləsiz yararlana bilməsi üçün bankların 7 filial və şöbəsi həftənin bütün günləri 24 saat, digər filial və şöbələri isə şənbə və bazar günləri də daxil olmaqla gücləndirilmiş rejimdə xidmət göstərir.

    Yarışlarla əlaqədar olaraq həmçinin MBNP-nin işçi heyətindən ibarət xüsusi monitorinq qrupu fəaliyyət göstərir. Yarana biləcək hər hansı bir problemlə ölkə vətəndaşları və turistlər MBNP-nin əməkdaşına müraciət edə bilərlər. Koordinator Elşən Səmədovdur (e-mail: elshan.samadov@fmsa.az; tel.: (+994) 51 444 25 32).

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi