İpoteka və Kredit Zəmanət Fondunun istiqrazlarına tələb təklifdən çox olub

Bakı. 22 fevral. REPORT.AZ/ Bu gün Bakı Fond Birjasında (BFB) İpoteka və Kredit Zəmanət Fondunun AZ2026008683 ISIN-li, 10 mln. manatlıq, 23 il (8280 gün) tədavül müddətli istiqrazlarının yerləşdirilməsi üzrə hərrac keçirilib.

“Report” BFB-yə istinadən xəbər verir ki, qiymətli kağızlar 1 006,3333 manat qiymətlə yerləşdirilib.

Sifarişlərin nominal qiymətlə ümumi məbləği 10,5 mln. manat olub. Bununla da, istiqrazların hamısı yerləşdirilib.

Onların ödəmə tarixi 8 avqust 2040-cı ildir.