“İnvest-AZ İnvestisiya Şirkəti” “Bakı Fond Birjası”ndakı payını 2 dəfə artırıb

“İnvest-AZ İnvestisiya Şirkəti” QSC “Bakı Fond Birjası” QSC-dəki payını 2 dəfə artıraraq 4,76%-dən 9,52%-ə çatdırıb.

“Report” xəbər verir ki, bunun üçün “Standard Kapital” MMC-nin birjadakı 4,76%-lik payı əldə olunub.

Xatırladaq ki, “Invest-AZ” 2006-cı ildə yaradılıb. Onun nizamnamə kapitalı 1,6 milyon manatdır. Şirkətin səhmlərinin 73,98%-i Elşən Quliyevə, 26,02%-i isə Ceyhun Abdullayevə məxsusdur.