Yuxarı
    Bağlamaq

    ​İngiltərədə plastik əsginas tədavülə buraxılır

    Yeni əsginasın nominalı 5 funt sterlinqdir

    Bakı. 3 iyun. REPORT.AZ/ İngiltərə Bankının (Mərkəzi Bank) meneceri Mark Karni üzərində sabiq baş nazir, məşhur siyasətçi Uinston Çerçillin rəsmi olan 5 funt sterlinqi nominallı ilk plastik əsginası təqdim edib. 

    "Report"un "The Guardian" qəzetinə istinadən verdiyi xəbərə görə, əsginasın bu ilin sentyabrın 13-də tədavülə buraxılacağı gözlənilir.

    M.Karni qeyd edib ki, yeni əsginas istifadədə əvvəlki kağız əsginaslardan daha rahatdır. Birincisi ona görə ki, onun ölçüləri daha kiçik, ikincisi isə onu qatlayaraq pul qabında daşıyarkən xarab olma təhlükəsi yoxdur. Mərkəzi Bank sədrinin açıqlamasına əsasən, yeni əsginas yuyulmaya, buldoqun dişləməsinə və hətta üzərinə qırmızı çaxırın tökülməsinə tab gətirə bilir. Əsginasın ortalama 5 il ömrünün olacağı ehtimal edilir. Bu, kağız əsginasın ortalama ömründən 2,5 dəfə çoxdur. Bu da yeni əsginasın maya dəyərini kağız əsginasdan aşağı olmasına gətirib çıxaracaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi