Yuxarı

Hesablama Palatasının əməkdaşları beynəlxalq forumda iştirak edib

Hesablama Palatasının əməkdaşları beynəlxalq forumda iştirak edib

Hesablama Palatasının əməkdaşları - İqtisadi sahələrin auditi şöbəsinin müdiri Azim Abasov, Sosial sahələrin auditi şöbəsinin müdiri Zəfər Rzayev və Sosial müdafiə və sosial təminat sahələrinin auditi şöbəsinin aparıcı məsləhətçisi Azəri Məmmədov Almaniya Beynəlxalq Əməkdaşlıq Cəmiyyətinin (GİZ) təşkilatçılığı ilə Gürcüstanda keçirilmiş “Birləşmiş Millətlər Təşkilatının Dayanıqlı İnkişaf Proqramı”nın icrası üzrə “Cənubi Qafqaz regionunda müvəffəqiyyətlə tətbiq olunan yanaşmalar, nəticələr və çətinlikləri nümayiş etdirmək və paylaşmaq üçün Forum”da iştirak ediblər.

Palatadan “Report”a verilən məlumata görə, forumda, ümumilikdə, 4 ölkədən və beynəlxalq təşkilatlardan olmaqla 100 nəfərə yaxın nümayəndə iştirak edib.

Tədbir zamanı Dayanıqlı İnkişaf Məqsədlərinə nail olunması istiqamətdə görülən işlər, müvafiq islahatların aparılması zəruri olan sahələr və əsas hədəflər barədə məlumat verilib və bu sahədə region dövlətlərinin qarşılıqlı təcrübə mübadiləsinin vacibliyi vurğulanıb. Sonra tədbir paralel müzakirələr və təqdimatlar üzrə davam etdirilib. Daha sonra Azərbaycan nümayəndə heyəti digər müzakirələr ilə yanaşı “2030-cu ilədək Dayanıqlı İnkişaf sahəsində Gündəliyin tətbiqinə Ali Audit Qurumlarının verdiyi töhfələr” paneli üzrə müzakirələrdə iştirak edib. Burada Dayanıqlı İnkişaf Məqsədlərinə nail olunması üzrə ilkin hazırlıq proseslərinin qiymətləndirilməsində Ali Audit Qrumlarının rolunun vacibliyi bildirilib.

Sonda BMT-nin nümayəndəsinin iştirakı ilə Cənubi Qafqaz regionunda sosial və iqtisadi sahələr üzrə mövcud olan bir sıra göstəricilər müzakirə edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi