Yuxarı

Vergilər İdarəsinin fəaliyyəti yoxlanılıb

Büdcədən universitetə ayrılmış vəsaitlərin icrası yoxlanılıb

Bakı. 16 dekabr. REPORT.AZ/ Hesablama Palatası kollegiyasının növbəti iclası keçirilib. Kollegiya iclasında Vergilər Nazirliyinin 14 saylı Ərazi Vergilər İdarəsində vergi qanunvericiliyinə riayət edilməsi vəziyyətinə dair nəzarət tədbirlərinin nəticələri üzrə hesabatlar müzakirə edilib.

"Report"un verdiyi xəbərə görə, iclasda həmçinin dövlət büdcəsinin mərkəzləşdirilmiş xərclərindən Azərbaycan Texniki Universitetinə ayrılmış vəsaitlərin və büdcədənkənar daxilolmaların proqnozlaşdırılması və icrasına dair və Dövlət Neft Fondundan Məcburi Köçkünlərin Sosial İnkişaf Fonduna ayrılan vəsaitlərin istifadəsinə dair nəzrət tədbirlərinin nəticələri dinlənilib.

İclasda hər bir nəzarət tədbiri üzrə kollegiya qərarının layihəsi müzakirə edilərək təsdiq olunub. Həmin qərarların icrasını təmin etmək məqsədilə aidiyyəti dövlət qurumlarına təqdimatların göndərilməsi və müvafiq normativ-hüquqi aktların tələblərinə uyğun olaraq audit tədbirlərinin nəticələri barədə məlumatların Milli Məclisə təqdim olunması qərara alınıb.

Kollegiya iclasında Hesablama Palatasının 2016-cı il üçün İş Planının layihəsi də müzakirə olunaraq təsdiq edilib, bir sıra cari məsələlərin icrası ilə bağlı müvafiq tapşırıqlar verilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi