Hesablama Palatası ötən il 26 min manata yaxın qənaət edib

Bakı. 9 yanvar. REPORT.AZ/ Hesablama Palatası 2018-ci il ərzində keçirilmiş satınalma prosedurlarının nəticələrini açıqlayıb.

“Report”a daxil olan məlumata görə, Palata ötən il 280 120,94 manat məbləğində satınalma müqavilələri bağlayıb. 

Bununla da qurum satınalma üçün ehtimal olunan xərcə 25 924 manat qənaət etmiş olub.

Qeyd edək ki, 2018-ci ildə satınalınan malların (işlərin və xidmətlərin) qiymətinin 306 044,94 manat olacağı ehtimal edilirdi.