​Əksər fond indeksləri azalıb

Bakı. 28 yanvar. REPORT.AZ/ Yanvarın 27-da Amerika fond bazarında Dow Jones indeksində 1,65% azalma müşahidə edilib və 17 387,21 bənd təşkil edib. S&P 500 1,34% azalaraq 2 029,55 bənd olub, Nasdaq isə 1,89% azalaraq 4 681,50 bəndə düşüb.

"Report" xəbər verir ki, Avropa fond bazarında yanvarın 27-da FTSE 100 indeksi 0,60% azalaraq 6 811,61 bəndədək, Almaniya DAX-ı 1,57% azalaraq 10 628,58 bəndədək, Fransa CAC-40-ı isə 1,09% azalaraq 4 624,21 bənd olub.

Bu gün səhərə COMEX-də qızılın bir unsiyasının qiyməti 0,89% bahalaşaraq 1 290,00 dollara çatıb.