Yuxarı
    Bağlamaq

    FES-dən bu gün önəmli açıqlamalar gözlənilir

    İnvestorların qızıla tələbi artıb

    Bakı. 17 noyabr. REPORT.AZ/ Federal Ehtiyat Sisteminin (FES) rəhbəri Cannet Yellenin bu gün, noyabrın 17-də Bakı vaxtı ilə saat 19:00-da ABŞ-ın yeni prezidenti seçildikdən sonra ilk çıxışı gözlənilir. "Report" xəbər verir ki, C.Yellenin bugünkü çıxışında yeni iqtisadi siyasət fonunda uçot dərəcəsinin artırılmasının perspektivləri barədə fikirlər səslənəcək. 

    İnvestorlar FES-in açıqlamaları ərəfəsində qızılın alışını, dolların isə satışını artırıblar. ABŞ-ın yeni prezidentinin büdcə stimullaşdırılmasının artırılması qərarı nəticəsində inflyasiyanın sürətlənməsi, bunun da öz növbəsində monetar siyasəti sərtləşdirilməsi gözləntilərinə baxmayaraq, investorlar bir qədər ehtiyatla davranaraq risksiz aktivlərə maraq göstərirlər.

    Xatırladaq ki, hazırda qızılın unsiyasının qiyməti 1 228 dollar, USD/EUR məzənnəsi isə 1,0715 təşkil edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi