FES baza faiz dərəcəsini əvvəlki səviyyədə saxlayıb

Bakı. 2 noyabr. REPORT.AZ/ ABŞ-ın mərkəzi bank funksiyasını yerinə yetirən Federal Ehtiyat Sistemi (FES) baza faiz dərəcəsini əvvəlki 0,25-0,5% səviyyəsində saxlayıb.

"Report" xəbər verir ki, bu barədə maliyyə tənzimləyicisinin rəhbərlik səviyyəsində keçirilən iclasın yekunu üzrə yaydığı məlumatda bildirilir.

"Bloomberg"in konsensus-proqnoz məlumatına görə, sorğulanan 90 iqtisadçının hamısı FES-in baza faiz dərəcəsini cari 0,25-0,5% diapazonunda saxlayacağını gözləyirmiş.