Kənd təsərrüfatı məhsullarının istehsalçıları üçün vergi güzəştləri daha 5 il uzadılır

Bakı. 1 yanvar. REPORT.AZ/ Kənd təsərrüfatı məhsullarının istehsalçılarına tətbiq olunan vergi güzəştləri daha 5 il müddətinə uzadılıb.

“Report”un verdiyi xəbərə görə, bununla bağlı Vergi Məcəlləsinə dəyişiklik bu gün qüvvəyə minib.

Bununla da kənd təsərrüfatı məhsullarının istehsalı ilə məşğul olan (o cümlədən, sənaye üsulu ilə) hüquqi şəxslərin bu fəaliyyətdən əldə etdikləri gəlirləri daha 5 il müddətinə vergidən azad olunur.