Yuxarı
    Bağlamaq

    FED bu ildən aktivlərini azaltmağa başlaya bilər

    Aktivlərin azaldılması uçot dərəcəsinin artmasına səbəb olacaq© Courtesy İmage

    Bakı. 3 aprel. REPORT.AZ/ ABŞ Federal Ehtiyat Sistemi (FED) 4,5 trln. dollar həcmində olan aktivlərini bu ildən etibarən azaltmağa başlaya bilər. "Report" "Reuters" agentliyinə istinadən xəbər verir ki, bu barədə Nyu-York FED-in rəhbəri Uilyam Dadli (William Dudley) "Bloomberg TV"-yə açıqlama verib. 

    U.Dadli bildirib ki, "ABŞ iqtisadiyyatı hazırkı yüksək templərlə inkişafı davam edərsə, bu ilin sonu və ya 2018-ci ildə FED-in əlində olan istiqrazların müddətinin bitməsini gözləyəcəyinə təəccüb etməyəcəm. Mən bu dəfə FED-in istiqrazlara reinvestisiya etməsini gözləmirəm".

    Xatırladaq ki, FED 2007-2009-ci il böhranında rekord həcmdə ipoteka qiymətli kağızları və xəzinədarlıq istiqrazları alaraq maliyyə bazarlarını likvidliklə təmin edib. Qeyd edək ki, U.Dadli FED menecerleri arasında ən böyük nüfuza sahib olan məmur sayılır.

    Dadli, həmçinin bildirib ki, aktivlərin satılması yavaş sürətlə həyata keçiriləcək. Lakin proses FED-in uçot dərəcəsini artırmasına səbəb olacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi