Yuxarı
    Bağlamaq

    ​"Expressbank"da pay alan fiziki şəxslərin adları açıqlanıb

    Ador MMC bankdakı payını iki fiziki şəxsə satıb

    Bakı. 27 iyul. REPORT.AZ/ "Expressbank" ASC-də iştirak payı alan iki fiziki şəxsin adı məlum olub. "Report" Bankın hesabatına istinadən xəbər verir ki, yeni səhmdarlar Hikmət Xammədov və Hafiz Seyidovdur.

    Ötən ilin sonuna adı çəkilən şəxslərin "Expressbank"dakı payı müvafiq olaraq 25% və 17% olub. Onlar indiyə qədər Bankın səhmdarı olan "Ador" MMC-nin 42%-lik payını əldə ediblər.

    Eyni zamanda, 2015-ci ilin sonuna "Expressbank"ın qalan səhmləri "AZENCO Group" MMC-yə (40%), "EnerqoServis" MMC-yə (17,61%) və "Azərnəqliyyatservis" MMC-yə (0,31%) məxsus olub.

    Maraqlıdır ki, Bank ötən gün 2016-cı ilin ilk yarısı ilə bağlı açıqladığı hesabatda səhmdarlarının 2 hüquqi və 2 fiziki şəxs olduğunu bəyan edib.

    Qeyd edək ki, yeni səhmdarlardan biri - Hikmət Xammədov eyni zamanda "Bakı Yüksək Gərginlikli Elektrik Avadanlıqları" ASC-də 98,5%-lik paya malikdir.

    Xatırladaq ki, "Expressbank" 1989-cu ildə "Azərnəqliyyatbank" adı ilə fəaliyyətə başlayıb və 2010-cu ildə rebrendinq edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi