Eşitmə və ürək qüsurlu uşaqların müalicəsinə əlavə 4 mln. manat ayrılacaq

Bakı. 1 dekabr. REPORT.AZ/ Azərbaycanda 2018-ci ildə eşitmə və ürək qüsurlu uşaqların müalicəsi üçün büdcədən əlavə 4 mln. manat vəsait ayrılacaq. Real maliyyə tutumu və digər məsələlər Səhiyyə və Maliyyə nazirliklərinin iştrirakı ilə dəqiqləşdiriləcək. 

"Report"un verdiyi xəbərə görə, bu barədə maliyyə naziri Samir Şərifov məlumat verib.

Həmçinin Milli Məclisin xərcləri ilkin proqnoza nisbətən 1,2 mln. artırlıb. Bu, ezamiyyə, nəqliyyat vasitələrinin alınması və digər məsələlər üçün maliyyə təminatı məqsədi ilə nəzərdə tutulub.

S.Şərifov bildirib ki, həmçinin büdcədə Bakıda sahibsiz heyvanların idarə olunması üçün əlavə vəsait nəzərdə tutulub.