Yuxarı

​Dünya üzrə ən çox borcu olan ölkələrin adları açıqlanıb

Yaponiya siyahıya liderlik edir

Bakı. 28 iyul. REPORT.AZ/ Beynəlxalq Valyuta Fondu (BVF) ən çox dövlət borcu olan ölkələrin "iyirmiliyi"ni müəyyən edib. "Report" UNN agentliyinə istinadən xəbər verir ki, bu məlumatı World Economic Forum açıqlayıb.

Belə ki, Yaponiya ən çox borcu olan ölkələr sırasında liderlik edir. 1990-cı illərdən başlayaraq Yaponiya daimi staqnasiya yaşayıb. Hazırda Yaponiya höküməti vergi daxilolmalarının təqribən yarısını borcun ödənilməsinə sərf edir. Buna baxmayaraq, onillik istiqrazlara görə gəlirlik həddindən artıq aşağı, yəni 1%-dən az səviyyədə qalır.

Böhrandan əziyyət çəkən Yunanıstan siyahıda ikincidir. Bu ölkənin çox böyük miqdarda borcu yaranıb.

Borcalan ölkələrin ilk "onluğu"na Yaponiya və Yunanıstandan başqa, İtaliya, Yamayka, Livan, Eritreya, Portuqaliya, Kabo-Verde, Butan və İrlandiya daxildir.

TOP-20-də həmçinin Belçika, ABŞ, İspaniya və Fransa yer alıb.

Ukrayna reytinqə daxil olunmayıb. Ukraynanın dövlət borcunun ÜDM-yə qarşı nisbəti 96% təşkil edir. Ukraynanın 1 may tarixinə olan dövlət və dövlət tərəfindən zəmanət verilmiş borcu 42,9 mlrd. dollar təşkil edir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi