Yuxarı

Avronun məzənnəsi 1,1534 dollar həddini keçib

Əksər Qərb fond indeksləri yüksəlib

Bakı. 3 may. REPORT.AZ/ Mayın 2-də Amerika fond bazarında "Dow Jones" indeksi 0,66% bahalaşaraq 17 891,16 bənd, "S&P 500" indeksi 0,78% artaraq 2 081,43bənd, "Nasdaq" isə 0,88% irəliləyərək 4 817,59 bənd təşkil edib.

"Report" xəbər verir ki, may ayının ilk bazar ertəsi Birləşmiş Krallıqda “May günü” adlanan bank bayramı qeyd edildiyindən iş günü olmayıb. Bu səbəbdən də Avropa fond bazarlarında "FTSE 100" indeksində heç bir dəyişiklik qeydə alınmayaraq ötən həftənin sonunda olduğu kimi 6 241,89 bənd, Fransa "CAC-40"-ı 0,3% artaraq 4 442,75 bənd, Almaniya DAX-ı isə 0,84% irəliləyərək 10 123,27 bənd olub.

Bu gün COMEX-də qızılın bir unsiyasının qiyməti 0,03% artıb və 1 295,30 dollar olub. Dünya bazarında avronun dollara qarşı məzənnəsi isə 1,1534 (+0,73%) təşkil edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi