Bakı. 3 avqust. REPORT.AZ/ “Effekinvest” MMC bank olmayan kredit təşkilatının (BOKT) nizamnamə kapitalı 120 min manat və yaxud 12,9% azalaraq 810 min manata düşüb.
Bu barədə “Report” Vergilər Nazirliyinə istinadən xəbər verir.
Azalmaya səbəb BOKT-un təsisçilərindən birinin - Ruslan Zeyqəm oğlu Hüseynovun payını geri götürməsidir.
Xatırladaq ki, bu ilin əvvəlində “Effektinvest”in daha bir təsisçisi - Fuad Abduriza oğlu Məmmədov da payını geri götürüb. Son nəticədə BOKT-un nizamnamə kapitalı 200 min manat və yaxud 17,7% azalaraq 930 min manata düşmüşdü.