EBRD-nin Azərbaycan üzrə yeni strategiyası gələn ilin aprel-may aylarında hazır olacaq

Bakı. 30 oktyabr. REPORT.AZ/ Avropa Yenidənqurma və İnkişaf Bankı (EBRD) Azərbaycan üzrə yeni strategiyasını hazırlamağa başlayıb.

“Report” xəbər verir ki, bunu EBRD-nin Azərbaycan üzrə rəhbəri İvana Fernandes Duarte deyib.

Onun sözlərinə görə, hazırda sözügedən sənədlə bağlı hökumətə daxil olan müxtəlif qurumlarla müzakirələr aparılır.

EBRD rəsmisi yeni strategiyanın 2019-cu ilin aprel-may aylarında hazır olacağını qeyd edib.