​EBRD Cənub Qaz Dəhlizində iştirakda maraqlıdır

Bakı. 25 may. REPORT.AZ/ Son iki il ərzində Avropa Yenidənqurma və İnkişaf Bankının (EBRD) dəstəyi ilə Azərbaycanda 270 mln. dollarlıq 30 layihə reallaşıb.

"Report" xəbər verir ki, bunu bu gün Bakıda keçirdiyi mətbuat konfransında Bankın prezidenti Sir Suma Çakrabarti deyib.

EBRD prezidenti qeyd edib ki, təmsil etdiyi Bank Cənub Qaz Dəhlizində iştirakda maraqlıdır: "Ölkənin bank sektorunda müəyyən islahatlar başlayıb. Düşünürəm ki, bu islahatlarsız bu sahədə inkişaf mümkün deyil".