Dünya bazarında qızıl və avro bahalaşıb

Bakı. 14 yanvar. REPORT.AZ/ Yanvarın 13-də Amerika fond bazarında Dow Jones indeksi 2,21% ucuzlaşaraq 16 151,41 bənd, S&P 500 2,50% geriləyərək 1 890,28 bənd, Nasdaq isə 3,41% azalaraq 4 526,07 bənd təşkil edib.

"Report" xəbər verir ki, Avropa fond bazarlarında FTSE 100 indeksi 0,54% bahalaşaraq 5 960,97 bənd, Fransa CAC-40-ı 0,30% artaraq 4 391,94 bənd, Almaniya DAX-ı isə 0,25% geriləyərək 9 960,96 bənd olub.

COMEX-də qızılın bir unsiyasının qiyməti 0,09% bahalaşaraq 1 094,752 dollar olub. Dünya bazarında avronun dollara qarşı məzənnəsi isə 1,0892 (+0,14%) təşkil edib.