Yuxarı

​Dünya Bankı 2016-cı ildə Azərbaycanda 0,8% iqtisadi artım proqnozlaşdırır

Bankın hesabatına görə ötən il artım 2,0% təşkil edib

Bakı. 7 yanvar. REPORT.AZ/ Dünya Bankı (DB) dünya iqtisadiyyatı üçün öz qiymət və proqnozlarını pisləşməyə doğru yenidən nəzərdən keçirib.

"Report" xəbər verir ki, indi DB cari ildə onun artımını 2,9%, gələcəkdə isə 3,1% gözləyir.

Bu göstərici 2015-ci ilin iyun ayında güman ediləndən müvafiq olaraq 0,4% və 0,1% azdır. Sözügedən rəqəmlər DB-nin yanvarın 6-da Vaşinqtonda təqdim etdiyi yeni "Qlobal iqtisadi perspektivlər" hesabatında göstərilir.

Bank ötən ilin yekunu üzrə artımı indi 2,4% qiymətləndirir. Bu da iyun ayında gözləniləndən 0,4% azdır.

Bankın hesabatına görə 2015-ci ildə Azərbaycanda iqtisadi artım 2,0% təşkil edib. Eyni zamanda 2016 və 2017-ci illərdə artım müvafiq olaraq 0,8% və 1,2% həddində proqnozlaşdırılır.

Yeni hesabatı jurnalistlərə təqdim edən bankın baş iqtisadçısı Kauşik Basu 2015-ci ili "dünya iqtisadiyyatı üçün məyusedici il", 2016-cı ili isə "riskli il" adlandırıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi