Yuxarı
    Bağlamaq

    DSK istehlak səbətinə yeni məhsul və xidmətlər əlavə etməyi planlaşdırır

    Rauf Səlimov: İlin sonuna məsələyə baxılacaq

    Bakı. 15 sentyabr. REPORT.AZ/ Bu ilin sonunda Dövlət Statistika Komitəsi (DSK) istehlak səbətinə daxil olan məhsul və xidmətlərin say və tərkibinə yenidən baxacaq. 

    "Report" xəbər verir ki, bunu DSK-nın sədr müavini Rauf Səlimov jurnalistlərə açıqlamasında deyib.

    Onun sözlərinə görə, komitə səbətə yeni məhsul və xidmətlər əlavə etmək niyyətindədir: "Hazırda istehlak səbətində 560 adda mal və xidmət növü mövcuddir. Yəni bu günə səbətdə heç bir dəyişiklik yoxdur. Amma ilin sonuna buna yenidən baxılacaq. Proses belədir ki, bizdə metodoloji şura toplanır və biz öz təkliflərimizi İqtisadiyyat Nazirliyinə veririk. Sonra isə əhalinin daha az istifadə etdiyi məhsullar siyahıdan çıxarılır və ora İKT sahəsində yeni çıxan məhsulları salırıq. Xüsusilə planşet, "iPod" və başqa bu kimi məhsulları nəzərə almağa çalışacağıq".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi