Yuxarı

"Deutsche Bank": Qızıl real qiymətindən 20-25% baha satılır

Qızılın 950-1 015 dollar/unsiyaya qədər ucuzlaşması proqnozlaşdırılır

Bakı. 5 oktyabr. REPORT.AZ/ ABŞ-ın uçot dərəcəsini artırmaq planları və mərkəzi bankların monetar ekspansiyanın həcmini azaltması ilə bağlı ehtimallar qızılın unsiyasının qiymətinin sentyabrın 4-də 44 dollar və ya 3,3% azalaraq 1 266 dollara qədər geriləməsinə səbəb olub. 

"Report"un "Bloomberg" agentliyinə istinadən verdiyi xəbərə görə, Almaniyanın ən böyük banklarından biri olan "Deutsche Bank"ın qlobal bazarlar üzrə baş analitiki Binki Çada (Binky Chadha) qızılın qiymətinin daha da sərt azalmasını mümkün sayır.

"Qızılın hazırda real dəyərindən 20-25% baha olduğunu düşünürük", -  B.Çada deyib. Bununla da, Bank qızılın qiymətinin 950-1 015 dollar/unsiyaya kimi geriləməsini proqnozlaşdırılır.

Xatırladaq ki, qızıl qiyməti ilin əvvəlindən qlobal maliyyə bazarlarında aşağı faiz dərəcələrinin hökm sürməsi və "Brexit" səbəbindən 311 dollar və ya 29% artıb. Hazırda isə qızıl ilin əvvəli ilə müqayisədə 212 dollar və ya 20% baha satılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi