Yuxarı

Daha bir sığorta şirkəti "Yaşıl Kart" sığortaçılarının reyestrinə daxil olub

Bu, Standard Insurance ASC-dir

Bakı. 18 dekabr. REPORT.AZ/ “Standard Insurance” sığorta şirkəti "Yaşıl Kart" sistemi çərçivəsində fəaliyyət göstərmək hüququ olan sığortaçıların reyestrinə daxil edilib.

"Report"un İcbari Sığorta Bürosuna (İSB) istinadən verdiyi xəbərə görə, reyestrə daxil olan Büronun iştirakçı şirkətlərinin sayı 7-yə çatıb. Bildirək ki, bundan əvvəl "Azsığorta”, “Meqa Sığorta”, “AtaSığorta”, “AXA-Mbask”, "Xalq Sığorta" və “Paşa Sığorta” ASC həmin reyestrə daxil olub.

Qeyd edək ki, “İcbari sığortalar haqqında” qanunun 50.2 maddəsinə uyğun olaraq sığorta şirkətləri avtonəqliyyat vasitəsi sahiblərinin mülki məsuliyyətinin icbari sığortası üzrə fəaliyyət göstərmək üçün "Yaşıl Kart" sığortaçılarının reyestrinə daxil olmalıdır.

Azərbaycanda “Yaşıl Kart” sistemi üzrə fəaliyyət göstərmək istəyən sığortaçılar 2015-ci il dekabrın 21-dək müvafiq reyestrə daxil olmaq üçün İSB-yə müraciət etməlidir. Əks halda həmin sığortaçının 2016-cı il yanvarın 1-dən etibarən İSB-nin informasiya sistemində avtonəqliyyat vasitəsi sahiblərinin mülki məsuliyyətinin icbari sığortası üzrə fəaliyyəti məhdudlaşdırılacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi