Yuxarı
    Bağlamaq

    Azərbaycanın daha 3 sığorta şirkəti "Yaşıl Kart" sığortaçılarının Reyestrinə daxil edilib

    Bu,  “Azsığorta”, “Meqa Sığorta” və “AtaSığorta” şirkətləridir

    Bakı. 17 dekabr. REPORT.AZ/ İcbari Sığorta Bürosunun (İSB) digər iştirakçı sığorta şirkətləri olan “Azsığorta” ASC, “Meqa Sığorta” ASC və “AtaSığorta” ASC də "Yaşıl Kart" sistemi çərçivəsində fəaliyyət göstərmək hüququ olan sığortaçıların Reyestrinə daxil edilib. "Report" bu barədə Büronun yaydığı məlumata istinadən xəbər verir. 

    Qeyd edək ki, “İcbari sığortalar haqqında” qanunun 50.2 maddəsinə uyğun olaraq, sığorta şirkətləri avtonəqliyyat vasitəsi sahiblərinin mülki məsuliyyətinin icbari sığortası üzrə fəaliyyət göstərmək üçün "Yaşıl Kart" sığortaçılarının reyestrinə daxil olmalıdır.

    Azərbaycanda “Yaşıl Kart” sistemi üzrə fəaliyyət göstərmək istəyən sığortaçılar 2015-ci il dekabrın 21-dək müvafiq reyestrə daxil olmaq üçün İSB-yə müraciət etməlidir. Əks halda həmin sığortaçının 2016-cı il yanvarın 1-dən etibarən İSB-nin informasiya sistemində avtonəqliyyat vasitəsi sahiblərinin mülki məsuliyyətinin icbari sığortası üzrə fəaliyyəti məhdudlaşdırılacaq.

    Bildirək ki, bundan əvvəl “AXA-Mbask” və "Xalq Sığorta" da Reyestrə daxil edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi