Yuxarı
    Bağlamaq

    ​"CitiFX": Avronun məzənnəsi 1,0460 dollara enəcək

    Avropada aşağı inflyasiya monetar ekspansiya ehtimalını gücləndirir

    Bakı. 26 noyabr. REPORT.AZ/ "Citibank"ın FOREX bazarında fəaliyyət göstərən şirkəti "CitiFX"in Araşdırma Departamenti avronun dollarla müqayisədə ucuzlaşmasının əsas səbəblərini açıqlayıb.

    "Report" xəbər verir ki, "CitiFX", Avropa və ABŞ-da uçot dərəcələrinin qısa müddətdə əks istiqamətdə hərəkətinin, yəni Avropa Mərkəzi Bankının (AMB) uçot dərəcəsini azaltmağı planlaşdırarkən, ABŞ-ın artırmağı düşünməsini avronu ucuzlaşdıracağına, dolları isə möhkəmləndirəcəyinə inanır.

    Ekspertlər düşünürlər ki, Asiya, xüsusilə də Çin iqtisadiyyatının zəifləməsinin Almaniya iqtisadiyyatı üçün təhlükə yaratdığına görə, ucuz avroya tələbat dolları möhkəmləndirəcək. AMB ucuz avroya ehtiyac duyduğundan uçot dərəcəsini endirmək, ABŞ isə iqtisadi vəziyyəti yaxşılaşdığı üçün faizləri artırmaq məcburiyyətində olacaq. Avropa iqtisadiyyatının statistik göstəricilərinin zəif olması, inflyasiyanın aşağı səviyyəsi Avrozonada monetar ekspansiya ehtimalını gücləndirir.

    "CitiFX" hazırda avronun uzunmüddətli enmə trendinin minimum həddini 1,0460 USD/EUR səviyyəsində proqnozlaşdırır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi