Bakı. 9 iyul. REPORT.AZ/ Bu il iyulun 1-nə, Çinin valyuta ehtiyatları 3,112 trln. ABŞ dolları təşkil edib ki, bu da iyunun 1-i ilə müqayisədə, təxminən, 1 mlrd. dollar çoxdur.
“Report” xarici mətbuata istinadən xəbər verir ki, bu barədə Çin Mərkəzi Bankı məlumat yayıb.
Bununla da, ölkənin strateji ehtiyatları gözləntiləri üstələyib. Belə ki, "Bloomberg" agentliyinin sorğusunda iştirak edən 16 iqtisadçı sözügedən göstəricinin 3,08-3,106 trln. dollar arasında dəyişəcəyini proqnozlaşdırırdı.