Yuxarı

Çinin valyuta ehtiyatları 5 illik minimuma düşüb

Buna səbəb ölkədən kapital axınıdır

Bakı. 8 sentyabr. REPORT.AZ/ Bu ilin avqust ayında Çinin valyuta ehtiyatları (Honkonq, Makao və Tayvan nəzərə alınmadan) 15,89 mlrd. ABŞ dolları azalaraq 3,185 trln. dollara düşüb.

"Report" Rusiya mətbuatına istinadən xəbər verir ki, bu, 2011-ci ildən bəri ən aşağı həddir.

Xatırladaq ki, Çinin valyuta ehtiyatları iyul ayında da azalıb, amma avqustla müqayisədə azalma təxminən 4 dəfə az - cəmi 4,1 mlrd. dollar təşkil edib. Bununla belə, azalma tempi analitiklərin proqnozlarını üstələyir. Mütəxəssislər yaranmış vəziyyəti ölkədən kapital axını ilə izah edirlər. Bu prosesin ilin sonuna qədər davam edəcəyi və ölkənin milli valyutası yuanın məzənnəsinin bir qədər də zəifləyəcəyi gözlənilir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi