Bakı. 19 yanvar. REPORT.AZ/ 2016-cı ildə Çindən kapital axını 728 mlrd. ABŞ dolları təşkil edib.
"Report","Financial Times" qəzetinə istinadən xəbər verir ki, bu barədə məlumatı Böyük Britaniyanın "Standard Chartered" bankı açıqlayıb.
Məlumata görə, bu, 2015-ci illə müqayisədə 2,2% azdır. Xatırladaq ki, 2015-ci ildə Çindən rekord həcmdə - 744 mlrd. ABŞ dolları məbləğində kapital axını baş verib.
Qeyd edək ki, Çinin valyuta ehtiyatları 2017-ci il yanvarın 1-nə 3,01 trln. dollar təşkil edib. Bu, ötən il dekabrın 1-i ilə müqayisədə 41 mlrd. dollar azalıb.