Yuxarı

Çində dolların məzənnəsi 6 illik maksimuma çatıb

Çində rəsmi məzənnə ilə birja məzənnəsi arasında marja 2%-i keçə bilməz

Bakı. 17 oktyabr. REPORT.AZ/ Çin Xalq Bankı (Mərkəzi Bank) ABŞ dollarının məzənnəsini oktyabrın 14-nə nəzərən 222 bənd və ya 0,33% artıraraq 6,7379 yuan səviyyəsində müəyyənləşdirib. "Report"un "TASS" agentliyinə istinadən verdiyi xəbərə görə, bununla da Çində dolların rəsmi məzənnəsi son 6 ilin maksimal həddinə yüksəlib.

Xatırladaq ki, Çin Xalq Bankı yuanın dollarla müqayisədə məzənnəsinin formalaşdırılma mexanizmində islahatlara ötən ilin avqustunda başlayıb. O zaman Bank, Çinin xarici ticarətində müsbət saldonu və yuanın digər valyutalarla müqayisədə möhkəmlənməsini nəzərə almaqla milli valyutanın məzənnəsinin hesablanma metodikasının bazar amillərinə təsirini optimallaşdırmaq qərarına gəlib.

Xatırladaq ki, yuanın birja məzənnəsinin rəsmi məzənnə ilə marjası 2%-i keçə bilməz. Yəni, bu günə dolların məzənnəsi maksimum 6,8726 CNY/USD, minimum isə 6,6031 CNY/USD ola bilər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi