Yuxarı
    Bağlamaq

    "Cənub Qaz Dəhlizi" şirkəti fevralda istiqraz emissiyasına hazırlaşır

    Bu istiqraz emissiyası 2 mlrd. dollar həcmində proqnozlaşdırılır

    Bakı. 28 yanvar. REPORT.AZ/ "Cənub Qaz Dəhlizi" şirkəti fevralda beynəlxalq bazarlarda istiqraz emissiyasının yerləşdirilməsini nəzərdə tutur. "Report" xəbər verir ki, bu barədə maliyyə naziri Samir Şərifov bu gün keçirdiyi mətbuat konfransında bildirib.

    Nazir qeyd edib ki, bu istiqraz emissiyası 2 mlrd. dollar həcmində proqnozlaşdırılır.

    O bildirib ki, həmin istiqrazlar üzrə dövlət zəmanəti təqdim edilə bilər: "Cənub Qaz Dəhlizi" şirkəti tərəfindən artıq maliyyə məsləhətçisi cəlb olunub. İstiqrazların buraxılması üçün aparıcı menecerlər də seçilib. Bu, 3 bankdır - "Citi Bank", "UniCredit", "JP Morgan"dır".

    Qeyd edək ki, "Cənub Qaz Dəhlizi" şirkətində İqtisadiyyat Nazirliyi 51%, SOCAR isə 49% paya malikdir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi