Yuxarı
    Bağlamaq

    C.Uilyams: "ABŞ gələn ilin sonuna kimi uçot dərəcəsini 5-7 dəfə artıra bilər"

    Report: 2017-ci ilin sonuna qədər uçot dərəcəsi 2,25% səviyyəsinə çatdırıla bilər

    Bakı. 23 may. REPORT.AZ/ San-Fransisko Federal Ehtiyat Sisteminin (FES) rəhbəri Con Uilyams (John Williams) bu gün ABŞ-ın iqtisadiyyatı və monetar siyasətinə dair açıqlamasında 2016-cı ildə FES-in 2-3, 2017-ci ildə isə 3-4 dəfə uçot dərəcəsini artırmasını gözlədiyini bildirib. 

    "Report" "Bloomberg" agentliyinə istinadən xəbər verir ki, C.Uilyams açıqlamalarında ABŞ iqtisadiyyatının 2016-cı ildə 2% artım göstərəcəyini qeyd edib. 

    Nyu-Yorkda danışan FES rəsmisi qlobal bazarlardakı qeyri-sabit konyunkturun ABŞ-a mənfi təsir göstərdiyini bildirib. ABŞ iqtisadiyyatının tam gücdə olduğunu, inflyasiyanın isə 2017-ci ilin sonuna qədər 2% hədəfinə çatacağını bildirən C.Uilyams ölkədə əmək haqlarının da artdığına dair siqnallar gəldiyini qeyd edib. İnflyasiyanın səviyyəsinin önəminə diqqət çəkən FES rəsmisi maliyyə qeyri-müəyyənliyinə çox sərt reaksiya verməyin düzgün olmadığını xatırladıb. 

    "Report"un analitik qrupu bildirir ki, C.Uilyamsın proqnozları həyata keçərsə, ABŞ-da uçot dərəcəsinin 2017-ci ilin sonuna qədər ən az 1,75-2,25% səviyyəsinə qədər artması gözlənilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi