Parlamentin komitə sədri: “Büdcə təşkilatlarındakı nöqsanların 30-35%-i qanunvericiliyin tələblərinin pozulması hesabına baş verir”

“Azərbaycanda büdcə təşkilatları “Dövlət büdcəsi haqqında” qanunu kifayət qədər mənimsəmirlər”.

“Report” xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin sədri Ziyad Səmədzadə Hesablama Palatasının ötənilki fəaliyyəti haqqında hesabatın parlamentdə təqdimatı zamanı bildirib.

“Büdcə təşkilatlarındakı nöqsanların 30-35%-i qanunvericiliyin tələblərinin pozulması hesabına baş verir”, - o qeyd edib.

Millət vəkili bununla bağlı rəhbərlik etdiyi komitədə Maliyyə Nazirliyinin və Hesablama Palatasının iştirakı ilə dinləmələrin keçirilməsini təklif edib.