Bu ilin ilk 8 ayında Azərbaycanda dövlət xətti ilə 155 mln. manatdan çox ipoteka krediti verilib

Bakı. 4 oktyabr. REPORT.AZ/ Bu ilin yanvar-avqust aylarında Azərbaycan bankları İpoteka və Kredit Zəmanət Fondunun xətti ilə 155,3 mln. manat kredit verib.

“Report” Azərbaycan Mərkəzi Bankına istinadən xəbər verir ki, bu, ötən ilin eyni dövrü ilə müqayisədə 37,3% çoxdur.

Hesabat dövründə İpoteka və Kredit Zəmanət Fonduna dövlət büdcəsindən illik müqayisədə 60,8% çox - 50 mln. manat vəsait ayrılıb. Fond özü isə 135 mln. manatlıq istiqraz buraxıb ki, bu da illik müqayisədə 10% azdır.