Yuxarı
    Bağlamaq

    Britaniyanın daşınmaz əmlak bazarı böhrandan əvvəlki vəziyyətinə qayıdıb

    Paytaxt Londonda əmlak daha sürətlə bahalaşıb

    Bakı. 29 iyul. REPORT.AZ/ Böyük Britaniyanın daşınmaz əmlak bazarında qiymətlər demək olar ki, 2007-ci ildəki qlobal iqtisadi böhrandan əvvəlki səviyyəyə çatıb.

    “Report” xəbər verir ki, bu barədə “Mansion Global” nəşri Londonda fəaliyyət göstərən “Savills” əmlak firmasına istinadən yazıb.

    Məlumatda deyilir ki, 2017-ci ilin mart ayına qədərki 1 il ərzində Böyük Britaniyada 408 mlrd. ABŞ dolları dəyərində əmlak alınıb. Bu isə 10 il əvvəllə müqayisədə cəmi 37 mlrd. dollar azdır.

    Hazırda Qərbi Avropanın bu inkişaf etmiş ölkəsində mənzillərin orta qiyməti 275 min dollara yaxımdır. Halbuki, 2007-ci ilə qədər bu rəqəm 237 min dollardan bir qədər çox olub.

    Son 10 ildə ən kəskin bahalaşma paytaxtda qeydə alınıb. Belə ki, Londonda mənzillərin orta qiyməti 275 min dollardan 627 min dollara çatıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi