“Brand Credit” MMC bank olmayan kredit təşkilatının (BOKT) cəmi aktivləri illik müqayisədə 20% azalaraq bu il yanvarın 1-nə 2,899 milyon manat təşkil edib.
“Report” bu barədə BOKT-nin maliyyə hesabatına istinadən xəbər verir.
Ötən il “Brand Credit”in müştərilərə verdiyi xalis kreditlər isə 36,9% azalaraq 1,831 milyon manata düşüb.
Hesabat dövründə BOKT-nin cəmi öhdəlikləri 29,8% azalaraq 2,329 milyon manat, cəmi kapitalı isə 86,3% artaraq 570 min manat olub.
“Brand Credit” 2018-ci ili 77 min manat mənfəətlə başa vurub. Halbuki, BOKT 2017-ci ildən 407 min manat zərərlə çıxmışdı.