Yuxarı
    Bağlamaq

    Böyük Britaniya aeroportlarında funt avrodan ucuz satılır

    Dünya bazarlarında isə 1 funt 1,1 avro təşkil edir

    Bakı. 7 oktyabr. REPORT.AZ/ Avropanın bir sıra aeroportunun valyuta dəyişmə məntəqələrində funtun məzənnəsi avrodan aşağı düşüb. 

    "Report"un "The independent" qəzetinə istinadən verdiyi xəbərə görə, Londonun "Gatwick" aerportunda 95 avroya 100,17 funt sterlinq almaq olur. Bu da təqribən 1 funt üçün 0,95 avro deməkdir.

    Funtun kəskin azalması britaniyalı maliyyə analitiklərini aeroportlardakı valyuta dəyişmə məntəqələrində monitorinq aparmağa vadar edib. Nəticədə məlum olub ki, Birminqem, Edinburq, həmçinin Londonun "Heathrow" və "Luton" aeroportlarında funtun məzənnəsi avro ilə eyni, "Sautend" aeroportunda isə GBP/EUR məzənnəsi 0,97 olub.

    Xatırladaq ki, dünya valyuta bazarlarında GBP/EUR məzənnəsi hazırda 1,1073-ə bərabərdir. Yəni, Böyük Britaniya aeroportlarında funt sterlinq avro ilə müqayisədə təqribən 10 bənd aşağı satılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi