Yuxarı

"Bloomberg": Canet Yellen FED rəhbərliyinə ən real namizəddir

"Bloomberg": Canet Yellen FED rəhbərliyinə ən real namizəddir

Canet Yellenin seçilməsi dolların məzənnəsini ciddi dəyişməyəcək

Bakı. 25 oktyabr. REPORT.AZ/ Hazırkı ABŞ Federal Ehtiyat Sisteminin (FED) rəhbəri Canet Yellen (Janet Yellen) yenidən bu posta seçilməyə ən real namizəddir. 

"Report" xəbər verir ki, bu nəticə "Bloomberg" agentliyinin 4 637 nəfər arasında apardığı sorğuya əsasən məlum olub.

Belə ki, sorğuya qatılan respondentlərin 35%-i Canet Yelleni, 34%-i Con Teyloru (John Taylor), 25%-i Cerom Paueli (Jerome Powell) və 6%-i isə digər namizədi seçib.

Qeyd edək ki, bir neçə gün əvvəl ABŞ prezidenti Donald Tramp Canet Yellenlə görüşüb və görüş zamanı Yellenin Trampa müsbət təsir göstərdiyi bildirilir.

"Report"un analitik qrupu bildirir ki, Canet Yellenin vəzifəsinə davam etməsi durumunda dolların qlobal valyuta bazarlarında məzənnəsində ciddi dəyişiklik olmayacaq. Əksinə, Teylorun seçilməsi durumunda dolların kəskin möhkəmlənməsi, Pauelin gəlməsi durumunda isə dolların bir qədər ucuzlaşması gözlənilir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi