Yuxarı

"Bitcoin" 19% ucuzlaşıb

"Bitcoin" 19% ucuzlaşıb

Bazarın kapitallaşması 515 mlrd. dollara qədər geriləyib

Bakı. 22 dekabr. REPORT.AZ/ "Bitcoin"in qiyməti bu gün keçirilən hərraclarda 3 300 dollar və ya 19%-dən çox azalaraq 13 722 dollara qədər geriləyib. "Report" "Coinmarketcap.com" saytına istinadən xəbər verir ki, "Bitcoin" dünən 17 000 dollardan baha satılıb. "Bitcoin"in qiymətinin tarixi rekord həddi isə dekabrın 17-də (20 001,5 dollar) qeydə alınıb.

Kriptovalyuta bazarının əsas valyutası olan və bazar kapitallaşmasının 44%-nə sahib "Bitcoin"in ucuzlaşması məcmu kriptovalyuta bazarının kapitallaşmasının 515 mlrd. dollara qədər azalmasına səbəb olub. Xatırladaq ki, dünən kriptovalyuta bazarının kapitallaşması 640 mlrd. dollardan yuxarı olub.

Hazırda "Bitcoin"in qiyməti 14 700 dollar, kriptovalyuta bazarının kapitallaşması isə 556 mlrd. dollar təşkil edir. Kriptovalyutaların ucuzlaşması davam edə bilər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi