Yuxarı
    Bağlamaq

    Beynəlxalq Valyuta Fondu üzv ölkələrin valyuta siyasətini araşdıracaq

    Rəsmi Vaşinqton bir sıra ölkələrin valyuta siyasətində manipulyasiya yol verdiyini düşünür

    Bakı. 22 fevral. REPORT.AZ/ ABŞ-ın maliyyə naziri Stiven Mnuçin Beynəlxalq Valyuta Fondunun (İMF) rəhbəri Kristin Laqardla telefon danışığı zamanı ona, öz səlahiyyətlərindən istifadə edərək İMF-ə üzv olan ölkələrin valyuta siyasətlərini yoxlamağa çağırıb.

    "Report" xəbər verir ki, bu barədə ABŞ Maliyyə Nazirliyinin açıqlamasında bildirilir.

    Qeyd edək ki, bir qədər əvvəl ABŞ Prezidenti Administrasiyası başda Çin olmaqla, Avropa İttifaqı və Yaponiyanı öz valyutalarını bilərəkdən ucuzlaşdırmaqda və bununla da ABŞ bazarında qeyri-ədalətli rəqabət üstünlüyünə cəhd etməkdə ittiham edib.

    Xatırladaq ki, hazırda 189 ölkə İMF-in üzvüdür. Azərbaycanın İMF-də kvotası 391,7 mln. SDR (Special Drawing Rights) və ya 0,08% təşkil edir. Ən çox kvotaya isə 17,46%-lə ABŞ sahibdir. SDR - dollar (41,73%), avro (30,93%), yuan (10,92%), yen (8,33%) və funt sterlinqdən (8,09%) ibarət olan xüsusi ehtiyat ödəniş vasitəsidir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi