Yuxarı
    Bağlamaq

    Beynəlxalq Valyuta Fondu islam bankçılığına diqqəti artırır

    İslam bankçılığının cəmi aktivləri 1,5 trln. dollara yüksəlib

    Bakı. 22 fevral.REPORT.AZ/ Dünyanın 60 ölkəsində mövcud olan islam bankçılığının cəmi aktivləri 2016-cı ildə 1,5 trln. dollara yüksəlib. 1990-cı ilin sonunda bu göstərici 100 mlrd. dollar həcmində olub.

    "Report"un verdiyi xəbərə görə, bu göstəricilər Beynəlxalq Valyuta Fondunun (BVF) islam bankçılığının inkişaf etdiyi ölkələrdə maliyyə sabitliyinin möhkəmləndirilməsi üçün təkliflər toplusunun fond rəhbərliyi tərəfindən qısa müddət əvvəl təsdiqi ilə bağlı bu gün yaydığı məlumatda qeyd olunub.

    Həmçinin sənəddə bildirilib ki, Malayziya, Küveyt və Səudiyyə Ərəbistanı da daxil olmaqla Yaxın Şərq və Asiyanın 14 dövlətində islam bankçılığı sistem əhəmiyyətlidir və onun bank sektorunun cəmi aktivlərində xüsusi çəkisi 15%-dən yüksəkdir.

    Məlumata əsasən, dünyada islam bankçılığının payı 2%-dən azdır. Buna baxmayaraq, bu sahə sürətlə inkişaf edir və siyasi rəhbərlərin və idarəedicilərin diqqətini özünə çəkir. BVF hazırda 2015-ci ildə islam maliyyə xidmətləri üzrə Kuala-Lumpur Məşvərətində qəbul edilən standartların birgə tətbiqinə səsləyir.  Bura problemli banklarla vəziyyəti həll etmək üçün effektiv mexanizmlərin inkişaf etdirilməsi, maliyyə təhlükəsizlik şəbəkələrinin yaradılması, "sukuk" kimi islami dövlət qiymətli kağızların, suveren aktivlərin buraxılmasının sürətlənməsi və s. daxildir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi