Yuxarı

Bəyanat: "AGBank" ASC "Bank Standard" QSC-yə qoşulacaq

AGBank ASC Bank Standarda qoşulmaq üçün AB Standard Şirkətlər Qrupuna müraciət edib

Bakı. 12 fevral. REPORT.AZ/ “AGBank” ASC-nin “Bank Standard” QSC-yə qoşulması prosesinin həyata keçirilməsi üçün əməkdaşlıq etməyə dair razılıq əldə edilib. "Report"un verdiyi xəbərə görə, bu barədə “Bank Standard” və “AGBank”ın birgə bəyanatında bildirilir.

Bəyanatda deyilir ki, “AGBank”ın “Bank Standard”a qoşulması ilə bağlı “AB Standard” Şirkətlər Qrupuna müraciət edib. Bu müraciət əsasında Holdinq tərəfindən niyyət protokolunun imzalanması barədə qərar qəbul edilib.

"Fevralın 11-də imzalanmış niyyət protokoluna əsasən, tərəflər “AGBank”ın “Bank Standard”a qoşulması prosesinin həyata keçirilməsi üçün əməkdaşlıq etməyə dair razılıq əldə edib. Aidiyyəti işlərin görülməsi üçün hər iki bankın, habelə audit və hüquq şirkətlərinin nümayəndələrindən ibarət işçi qrupu yaradılacaq", - deyə bəyanatda qeyd olunub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi