Yuxarı
    Bağlamaq

    Belarus son 6 ildə ilk dəfə avrobond yerləşdirib

    Avrobondların faizi Rusiya ilə müqayisədə yüksək, Ukrayna ilə müqayisədə az olub

    Bakı. 23 iyun. REPORT.AZ/ Belarus son 6 ildə ilk dəfə beynəlxalq kapital bazarlarına çıxaraq iki tranşda 1,4 mlrd. ABŞ dolları həcmində avrobond yerləşdirib. "Report" "RBC" saytına istinadən xəbər verir ki, qiymətli kağızların çox hissəsini ABŞ investorları alıb.

    Avrobond emissiyasının ilk tranşı 5 illik 800 mln. dollar həcmində və 7,125% gəlirlilik, 10 illik 600 mln. dollarlıq hissəsi isə 7,625% gəlirlilik vəd edir. "Bloomberg" agentliyindən verilən məlumata görə, 10 illik istiqrazların gəlirliliyi Rusiyanın analoji istiqrazları ilə müqayisədə 300 baza bəndi premiyaya, Ukrayna istiqrazları ilə müqayisədə isə 56 baza bəndi diskonta sahib olub.

    Listinq İrlandiya Fond Birjasında aparılır, emissiya isə "Citibank" və "Raiffeisen Bank İnternational"ın vasitəçiliyi ilə yerləşdirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi