"Bank VTB (Azerbaijan)"ın səhmdarlarından biri payını satıb

Bakı. 7 iyun. REPORT.AZ/ "Bank VTB (Azerbaijan)" ASC-nin səhmlərinin 0,01%-nə nəzarət edən Əşrəf Kamilov payını satıb.

"Report" Bankın audit hesabatına istinadən xəbər verir ki, onun payını Adıgözəl Ağayev ("AtaHolding" MMC-nin İdarə Heyətinin sədri) alıb. 

"Bank VTB (Azerbaijan)"ın digər səhmdarları yenə də 51%-lə "Bank VTB" ASC (Rusiya) və 48,99%-i "AtaHolding"dir.  

Xatırladaq ki, "Bank VTB (Azerbaijan)" 2003-cü ildən fəaliyyət göstərən "AF Bank" ASC-nin bazasında 2009-cu ildə yaradılıb. Onun nizamnamə kapitalı 50,815 mln. manatdır.