Bakı. 24 avqust. REPORT.AZ/ Sentyabrın 29-da “Bank VTB (Azerbaijan)” ASC-nin səhmdarlarının növbədənkənar iclası keçiriləcək.
Bu barədə “Report” Banka istinadən xəbər verir.
Məlumatda deyilir ki, iclas saat 11:00-da Bankın baş ofisinin yerləşdiyi Bakı şəhəri, Nəraimanov rayonu, Xətai prospekti, 38 ünvanında olacaq.
Yığıncağın gündəliyi açıqlanmayıb.
Xatırladaq ki, "Bank VTB (Azerbaijan)" 2003-cü ildən fəaliyyət göstərən "AF Bank" ASC-nin bazasında 2009-cu ildə yaradılıb. Onun nizamnamə kapitalı 50,815 mln. manatdır. Bankın səhmlərinin 51%-i "Bank VTB" ASC-yə (Rusiya), 48,99%-i "AtaHolding" MMC-yə, 0,01%-i isə Adıgözəl Ağayevə ("AtaHolding”in İdarə Heyətinin sədri) məxsusdur.