Yuxarı
    Bağlamaq

    "Bank VTB (Azerbaijan)" bazara yeni kartını çıxarıb

    “Bakı-Moskva” rubl kartından digər ölkələrdə də istifadə etmək mümkündür

    Bakı. 6 iyul. REPORT.AZ/ "Bank VTB (Azerbaijan)" ASC-nin “Bakı-Moskva” adlı rubl kartını istifadəyə verib. “Report” xəbər verir ki, Bankın yeni kartı “cash back” funksiyası sayəsində Rusiya ərazisində nağdsız əməliyyatlar vasitəsilə xərclənən məbləğin 0,5%-ni geri qaytarır.

    Qeyd edək ki, “Bakı-Moskva” kartı nağdsız ödənişlərin aparılması, eləcə də nağd vəsaitin çıxarılması üçün nəzərdə tutulan debet kartıdır. Kartın müddəti müştərinin seçimindən asılı olaraq 24 və 36 ay təşkil edir.

    “Bakı-Moskva” kartından digər ölkələrdə də istifadə etmək mümkündür, bu zaman rubl müştəriyə tələb olunan valyutaya konvertasiya olunacaq.

    Nağd valyutanın çıxarılması üçün VTB-nin güzəştli bankomat şəbəkəsindən istifadə olunduqda komissiya “Bank VTB (Azərbaycan)”ın tariflərinə uyğun tutulacaq. VTB-nin güzəştli bankomat şəbəkəsinə VTB (Azərbaycan), VTB (Gürcüstan), VTB (Ukrayna), VTB (Qazaxıstan), VTB (Belarus), eləcə də Rusiyada "VTB24" və "Poçta bank"ın ATM-ləri daxildir. Azərbaycan ərazisində güzəştli şəbəkəyə "Paşa Bank" və "Access Bank"ın  bankomatları aiddir.

    Xatırladaq ki, “Bank VTB (Azerbaijan)” ASC "VTB Bank" ASC-nin törəmə bankıdır. Bankın səhmdarları "VTB Bank" ASC və “AtaHolding” MMC-dir, korporativ biznes, kiçik və fərdi biznesi təmsil edən müştərilərə, eləcə də fiziki şəxslərə xidmət göstərir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi