Yuxarı

​"Bank Technique" müştərilərin kart hesablarını dondurub

Müştərilər sahib olduqları plastik kartlardan vəsaitlərini nağdlaşdıra bilmirlər

Bakı. 10 avqust. REPORT.AZ/ "Bank Technique" ASC-nin müştəriləri sahib olduqları plastik kartların depozit hesablarından vəsaitlərini nağdlaşdıra bilmirlər. Bu barədə "Report"a bankın müştəriləri məlumat verib.

Məlumata görə, bir müddət əvvəl kart hesablarına limit qoyulan müştərilər ötən həftənin sonundan etibarən hesablarındakı vəsaiti nağdlaşdıra bilmirlər. Banka müraciət edən müştərilərə isə pulu nağdlaşdırmaq üçün baş ofisə yaxınlaşmaq məsləhət görülür.

"Bank Technique"in Marketinq Departamentindən "Report"a verilən açıqlamada isə bankın öz bankomatlarında pul nağdlaşdırılması ilə bağlı problemin olmadığı, digər banklara məxsus bankomatlarla bağlı isə məlumatsız olduqları deyilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi