Yuxarı
    Bağlamaq

    “Bank Standard”ın Kreditorlar Komitəsinin növbəti iclası keçirilir

    İclasda Bankın təxminən 40 kreditoru və ADIF-in əməkdaşları iştirak edirlər© Report.az

    Bakı. 27 iyul. REPORT.AZ/ Bu gün ləğvetmə prosesində olan “Bank Standard” QSC-nin Kreditorlar Komitəsinin növbəti iclası keçirilir.

    “Report” xəbər verir ki, toplantı Bankın ləğvedicisi olan Azərbaycan Əmanətlərin Sığortalanası Fondunun (ADIF) Bakı şəhəri, Xətai rayonu, Babək prospekti,16 ünvanında yerləşən inzibati binasında təşkil olunub.

    İclasda Komitənin sədri, hüquqşünas Əkrəm Həsənov, “Bank Standard”ın təxminən 40 kreditoru, eləcə də ADIF-in əməkdaşları iştirak edirlər. İclasın katibi Xəzər Universitetinin İnkişaf Mərkəzinin rəhbəri Raziyə İsayeva isə üzrlü səbəbdən toplantıya qatılmayıb. Buna görə də, onu müvəqqəti olaraq Bankın kreditoru olan “Qala Həyat Sığorta” ASC-nin Hüquq Departamentinin direktoru Süleyman Zeynallının əvəz etməsinə qərar verilib.

    Bundan sonra Ə.Həsənov bildirib ki, budəfəki iclasda “Bank Standard”la bağlı ölkə rəhbərliyinə müraciət etmək nəzərdə tutulsa da, bu məsələ təxirə salınacaq: “Çünki bəzi məlumatlar bizdə hələ də yoxdur, bəzi sənədlərlə tanış olmağa, əlavə sorğular göndərməyə ehtiyac var, odur ki, dövlət başçısına müraciət ünvanlamağımız hələ ki, alınmır”.

    Onun sözlərinə görə, Bankın ləğv planı Kreditorlar Komitəsinin qane etmədiyi üçün ona dəyişiklik edilməsi məqsədi ilə Ali Məhkəməyə müraciət olunub: “Əgər məhkəmə iddiamızı təmin etməsə, onda bu plan istənilən halda qüvvəyə minəcək, amma hələ ki, qüvvədə deyil”.

    İclas davam edir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi